Шануем традыцыі,
паляпшая якасць

Магілёўскі мясакамбінат заснаваны ў 1905 годзе як гарадская бойня. Усе працэсы перапрацоўкі жывёлы і прадуктаў забою ажыццяўляліся ў той час уручную. Прадпрыемства не мела гарачага водазабеспячэння, электраэнергіі і не было абсталяванае халадзільнымі ўстаноўкамі. Перапрацоўка жывёлы не перавышала 20 галоў за суткі.

У 1913 г. прадпрыемства было рэканструявана і аснашчана льдасаляным халадзільнікам, а ў 1922 г. быў пабудаваны каўбасны цэх магутнасцю да 1 т вырабаў у змену. У гады даваенных пяцігодак прадпрыемства бесперапынна павялічвала аб'ём вытворчасці і ў 1940 г. перапрацоўвала 10 т мяса і выпускала 2 т каўбасных вырабаў за змену.

За гады Другой Сусветнай вайны камбінат быў поўнасцю разбураны. Пасля вызвалення Магілёва, з чэрвеня 1944 г. пачалося яго актыўнае і паспяховае аднаўленне. Быў дадзены старт будаўніцтву новых вытворчых карпусоў, а таксама быў прадуманы шэраг тэхнічных і арганізацыйных мерапрыемстваў па павелічэнні даваеннай магутнасці прадпрыемства.

У 1950-1953 гг. пабудаваны і здадзены ў эксплуатацыю новыя вытворчыя карпусы з праектнай магутнасцю за змену: мяса - 20 т, каўбасных вырабаў - 4 т, мяса птушкі - 5 т. Пабудаваны халадзільнік магутнасцю 20 т замарозкі мяса за суткі і 1000 т аднаразовага захоўвання. Былі праведзены мерапрыемствы з мэтай павелічэння вытворчых магутнасцей.

Новым этапам рэканструкцыі і пашырэнні прадпрыемства сталі 1966-1970 гг. Так, у 1969-1970 гады была праведзена рэканструкцыя і пашырэнне каўбаснага цэха: яго магутнасць узрасла з 8 да 12 т каўбасных вырабаў за змену. Аб'ём вытворчасці ў 1971-1975 гг. павялічыўся на 40,6 працэнта, прадукцыйнасць працы павысілася на 27,0 працэнта і прыбытак вырас на 44 працэнты.

30 студзеня 2002 г. прадпрыемства зарэгістравана як ААТ «Магілёўскі мясакамбінат». У 2018 г. ён стаў сертыфікаваным экспарцёрам ялавічыны ў Кітай. У 2020 годзе на камбінаце скончылі будаўніцтва свінагадоўчага комплексу і цэха па вытворчасці камбікармоў. На сённяшні дзень гэта адно з найбуйных прадпрыемстваў мясной прамысловасці Беларусі.